خادم حسین کی جعلی ڈگری کی بنیاد پر نااہلی درست قرار

سپریم کورٹ نے مسلم لیگ (ق) کے سابق ایم این اے خادم حسین کی جعلی ڈگری کی بنیاد پر نااہلی کا فیصلہ برقرار رکھا۔چیف جسٹس پاکستان قاضی فائز عیسیٰ کی سربراہی میں 3 رکنی بنچ نے سماعت کی۔چیف جسٹس قاضی فائز عیسیٰ نے کہا کہ بہتر ہے درخواست گزار کی موت کے بعد مقدمہ نہ چلایا جائے، جعلی ڈگری کا کیس درخواست گزار کی موت پر ختم ہوا، کیا کیس کا کوئی مجرمانہ پہلو ہے؟ اگر ایسا ہے تو سنیں۔وکیل خواجہ حارث نے کہا کہ لواحقین کا اصرار ہے کہ کیس سن کر جعلی ڈگری ختم کی جائے، میرے موکل نے اپنی تمام تر تعلیم محمد اختر خادم کے نام پر حاصل کی، اس نے خادم حسین کے نام پر سیاست کی، ان کا شناختی کارڈ بھی موجود ہے۔ ایک ہی نام بنایاجسٹس محمد علی مظہر نے کہا کہ درخواست گزار زندہ ہوتا تو کچھ ثابت ہوسکتا تھا، مرنے کے بعد اہل خانہ صحیح نام کیسے ثابت کریں گے۔ جیسا کہ پرانا قاعدہ ہے کہ موت کے ساتھ ہی میت کے اعمال بھی ختم ہو جاتے ہیں۔چیف جسٹس پاکستان نے کہا کہ ثبوت کے طور پر کوئی بیان حلفی یا دستاویزات دکھائیں، نام تبدیل کرنے کی پوزیشن ہے تو ثبوت پیش کرنا آپ کی ذمہ داری ہے۔واضح رہے کہ محمد اختر خادم عرف خادم حسین 2008 میں این اے 188 سے رکن اسمبلی منتخب ہوئے تھے، ہائی کورٹ نے محمد اختر خادم عرف خادم حسین کو جعلی بی اے کی ڈگری کی بنیاد پر نااہل قرار دیا تھا۔