یورپی کمیشن رپورٹ میں پاکستان بدستور اسکیم کا سب سے زیادہ مستفید ہونے والا ملک قرار

اسلام آباد :یورپی کمیشن کی تازہ GSP+ جائزہ رپورٹ پاکستان کے لیے ایک اہم سفارتی، تجارتی اور ادارہ جاتی کامیابی کی عکاس ہے۔ رپورٹ کے مطابق پاکستان بدستور GSP+ اسکیم سے سب سے زیادہ مستفید ہونے والا ملک ہے، جبکہ یورپی منڈی میں پاکستانی مصنوعات کی رسائی مزید مستحکم ہوئی ہے۔ پاکستان نے رعایتی تجارتی سہولت کے استعمال کی شرح 95.1 فیصد تک پہنچا دی ہے، جو اس کی برآمدی صلاحیت اور مسابقت کا واضح ثبوت ہے۔ رپورٹ میں انسانی حقوق، محنت کشوں کے حقوق، ماحولیات اور گورننس سے متعلق متعدد شعبوں میں پاکستان کی قانون سازی، ادارہ جاتی اصلاحات اور عملی پیش رفت کو بھی تسلیم کیا گیا ہے، جو ملک کے اصلاحاتی سفر اور یورپی یونین کے ساتھ مضبوط شراکت داری کی عکاسی کرتا ہے-
یورپی کمیشن کی تازہ جی ایس پی پلس رپورٹ میں پاکستان کو بدستور اسکیم کا سب سے زیادہ مستفید ہونے والا ملک قرار دیا گیا۔2024 میں پاکستان کی 7.5 ارب یورو مالیت کی برآمدات جی ایس پی پلس رعایتوں سے مستفید رہیں، جی ایس پی پلس کے باعث پاکستان کو 2024 میں تقریباً 732 ملین یورو کی ٹیرف بچت حاصل ہوئی،پاکستان نے جی ایس پی پلس رعایتوں سے استفادے کی شرح 95.1 فیصد تک پہنچا دی،سال 2024 میں یورپی یونین نے پاکستان کی مجموعی برآمدات کا 28 فیصد درآمد کیا،پاکستانی ملبوسات، ٹیکسٹائل، چمڑے، تیار خوراک اور دیگر مصنوعات نے یورپی رعایتوں سے نمایاں فائدہ اٹھایا، پاکستان نے جی ایس پی پلس سے متعلق تمام 27 بین الاقوامی کنونشنز کی توثیق برقرار رکھی، پاکستان نے یورپی یونین کے مانیٹرنگ عمل کے ساتھ مسلسل اور باقاعدہ تعاون جاری رکھا،قومی کمیشن برائے انسانی حقوق کو عالمی اے اسٹیٹس کا حصول، پاکستان کی اھم ادارہ جاتی پیش رفت قرار دیا گیا۔ قومی کمیشن برائے اقلیت کے قیام سے متعلق قانون سازی کو اقلیتوں کےتحفظ کی جانب اہم پیش رفت قرار دیا گیا،
انسداد تشدد قانون کے عملی قواعد، تربیتی اقدامات اور جیل اصلاحات کو رپورٹ میں مثبت پیش رفت کے طور پر تسلیم کیا گیا،
خواتین کے تحفظ، گھریلو تشدد کے تدارک اور کم عمری کی شادیوں کے خلاف قانون سازی کو نمایاں پیش رفت قرار دیا گیا، محنت کشوں کے حقوق، جبری مشقت کے خاتمے اور بچوں کی مشقت کے انسداد کے اقدامات کو رپورٹ میں سراہا گیاپاکستان کی موسمیاتی پالیسی، کاربن مارکیٹ کے رہنما اصولوں اور حیاتیاتی تنوع کے تحفظ سے متعلق اقدامات کا اعتراف۔ انسداد منشیات کے نئے قوانین اور ڈیجیٹل کیس مینجمنٹ نظام کو مثبت پیش رفت قرار دیا گیا، یورپی یونین نے پاکستان کے لیے 400 ملین یورو کے ترقیاتی اور اصلاحاتی تعاون کے عزم کا اعادہ کیا۔، یورپی کمیشن رپورٹ