حجاج اکرام کے لئے خوشخبری! سعودی عرب میں مفت سم کارڈ فراہم کرنے کا فیصلہ

حکام کے مطابق لانگ پیکیج کے تحت حجاج کو 600 منٹس اور 40 جی بی انٹرنیٹ ڈیٹا مفت دیا جائے گا، جبکہ شارٹ پیکیج میں 300 منٹس اور 25 جی بی انٹرنیٹ ڈیٹا فراہم کیا جائے گا۔

سم کارڈ کے ذریعے مقامی اور بین الاقوامی کالز کی سہولت بھی دستیاب ہوگی، تاکہ حجاج کرام کسی بھی وقت اپنے عزیزوں سے رابطہ کر سکیں۔

حکومت کی جانب سے ہدایت دی گئی ہے کہ سم کے علاوہ دوسری سم نہ خریدی جائے۔

مزید برآں ایک پاسپورٹ پر صرف ایک ہی سرکاری سم جاری کی جائے گی، جبکہ اضافی سم لینے کی صورت میں سرکاری سم بند کیے جانے کا امکان ہوگا۔

مزید بتایا گیا ہے کہ حجاج کے لیے موبائل ریچارج کوڈز ان کی رہائش گاہوں میں فراہم کیے جائیں گے اور بیلنس ختم ہونے کی صورت میں ریچارج کی سہولت بھی موجود ہوگی۔