اب دھمکی نہیں، سزا ہو گی! بیوی کو طلاق یا دوسری شادی کی دھمکی پر جیل اور بھاری جرمانہ

پارلیمنٹ کے مشترکہ اجلاس میں بیوی بچوں کے سماجی تحفظ سے متعلق قانون ڈومیسٹک وائلنس ایکٹ 2026 منظور کر لیا گیا۔قانون کا اطلاق وفاقی دارالحکومت اسلام آباد میں ہو گا۔ قانون کے تحت بیوی کو گھورنا، طلاق یا دوسری شادی کی دھمکی دینا اور بیوی کو مرضی کے بغیر گھر میں دیگر افراد کے ساتھ رکھنا بھی قابل سزا جرم قرار دیا گیا ہے۔
بیوی، بچوں یا گھر میں رہنے والے دیگر افراد کو گالی دینا، جذباتی یا نفسیاتی طور پر پریشان کرنا بھی جرم ہو گا۔وائلنس ایکٹ جرم ثابت ہونے کی صورت میں 3 سال تک کی سزا، ایک لاکھ روپے تک کا جرمانہ عائد کیا جا سکے گا ، جرمانہ ادا نہ کرنے پر مزید 6 ماہ کی قید ہو گی۔ ڈومیسٹک وائلینس ایکٹ میں جنسی استحصال کے ساتھ معاشی استحصال بھی شامل ہے۔