انوشے اشرف نے ترکیہ میں شادی رچالی

استنبول: پاکستان شوبز انڈسٹری کی معروف اداکارہ انوشے اشرف نے ترکیہ میں شادی کر لی۔انوشے اشرف کا شمار پاکستان کی کامیاب اداکاراں میں ہوتا ہے، وہ ٹی وی پر میزبانی کے فرائض بھی انجام دے چکی ہیں جبکہ وہ ماحولیات اور جانوروں کے حقوق کیلئے آواز اٹھانے میں بھی سرگرم رہتی ہیں۔
آج کل اداکارہ خبروں کی زینت بنی ہوئی ہیں کیونکہ انہوں نے زندگی کے نئے سفر کا آغاز کیا ہے، انوشے نے اپنے دوست ڈینو علی سے شادی کی ہے اور اداکارہ نے سوشل میڈیا کی ویب سائٹ انسٹاگرام پر سٹوری کے ذریعے مداحوں کو یہ خوشخبری دی۔اداکارہ نے اپنی پسندیدہ جگہ ترکیہ میں شادی کی جس کی تصاویر بھی سوشل میڈیا سمیت خبروں کی زینت بنی ہوئی ہیں، اداکارہ نے گزشتہ سال جون میں اپنے دوست ڈینو علی سے نکاح کیا تھا جس میں قریبی دوست اور رشتہ داروں نے شرکت کی۔انوشے اشرف نے اپنی شادی کے موقع پر ہلکے ہرے رنگ کا لباس زیب تن کیا ہے، اداکارہ کی تصاویر وائرل ہونے پر ان کے مداحوں کی جانب سے نیک خواہشات کا اظہار کیا جارہا ہے۔