نیشنل سٹیڈیم کراچی بھی چیمپئنز ٹرافی کی میزبانی کیلئے تیار

کراچی: نیشنل سٹیڈیم کراچی کی بھی تعمیر نو مکمل ہو گئی، صدر مملکت آصف علی زرداری 11 فروری کو سٹیڈیم کی نئی عمارت کا افتتاح کریں گے۔نیشنل اسٹیڈیم کراچی کے پویلین میں کمانڈ اینڈ کنٹرول روم بھی بنا دیا گیا جبکہ نئی بلڈنگ اور سٹیڈیم میں جدید طرز کے سی سی ٹی وی کیمروں کی انسٹالیشن بھی مکمل ہو گئی۔
سٹیڈیم کے ڈریسنگ رومز اور ہاسپٹیلٹی باکسز کو ٹیموں اور شایقین کا انتظار ہے، صدر مملکت آصف علی زرداری نئی عمارت کا افتتاح 11 فروری کو کریں گے۔ نیشنل سٹیڈیم کراچی میں سہ ملکی سیریز کے مقابلے 12 اور 14 فروری کو شیڈول ہیں جبکہ چیمپئنز ٹرافی کا آغاز 19فروری کو کراچی سے ہوگا۔