انسداد دہشتگردی عدالت کے طلب کرنے پر عمران خان عدالت پہنچ گئے

لاہور : لاہور کی انسداد دہشتگردی عدالت اے ٹی سی کے طلب کرنے پر عمران خان عدالت پہنچ گئے ۔لاہور کی انسداد دہشتگردی عدالت نے تین مختلف مقدمات میں عمران خان کی حاضری سے استثنیٰ کی درخواست مسترد کرتے ہوئے انہیں گیارہ بجے پیش ہونے کا حکم دیا تھا ۔انسداد دہشتگردی عدالت لاہور میں عمران خان کے وکلا کی جانب سے جلاﺅ گھیراﺅ پولیس پر تشدد اور ظل شاہ قتل کیس میں حاضری سے استثنیٰ کی درخواست دائر کی گئی تھی ۔درخواست میں موقف اختیار کیاگیا کہ عمران خان لاہور میں ہیں ، سکیورٹی خطرات کے باعث پیش نہیں ہوسکتے ، عدالت ایک روز کی حاضری معافی کی درخواست منظور کرے ۔عدالت نے عمران خان کی حاضری سے استثنیٰ کی درخواست مسترد کرتے ہوئے انہیں گیارہ بجے تک پیش ہونے کا حکم دیا تھا ۔جج کا کہنا تھا کہ پیش نہ ہونے کی صورت میں قانون کے مطابق فیصلہ ہوگا۔ جو عدالت میں آئیگا اسے ریلیف ملے گا ، عمران خان کے ضمانتی مچلکے بھی جمع نہیں ہوئے۔