اسلام آبادسمیت ملک کے مختلف شہروں میں زلزلہ، 9 افراد جاں بحق، درجنوں زخمی

اسلام آباد سمیت پنجاب، کے پی اور بلوچستان کے مختلف شہروں میں زلزلے کے شدید جھٹکے محسوس کیے گئے جس کے نتیجے میں اب تک نو افراد کے جاں بحق ہونے اور 160 سے زائد افراد کے زخمی ہونے کی اطلاعات موصول ہوچکی ہیں۔کے پی ڈیزاسٹر منیجمنٹ اتھارٹی نے صوبہ کے پی میں نو افراد کے جاں بحق ہونے کی تصدیق کی ہے جبکہ مختلف حادثات میں 44 افراد زخمی ہوئے پی ڈی ایم رپورٹ کے مطابق جاں بحق افراد میں پانچ مرد، دو خواتین اور دو بچے شامل ہیں اب تک اطلاعات کے مطابق صوبے بھر میں 19 گھروں کو جزوی نقصان پہنچا۔محکمہ موسمیات کے مطابق زلزلہ پاکستانی وقت کے مطابق رات نو بجکر 47 منٹ پر آیا، زلزلے کا مرکز افغانستان میں ہندوکش کا خطہ تھا۔زلزلے کے جھٹکے ترکمانستان، بھارت،قازقستان،تاجکستان، ازبکستان، چین، افغانستان کرغرستان میں بھی محسوس کئے گئے