تیل کی خریداری کے معاملے پر روسی وفد کا جلد دورہ پاکستان کا امکان

اسلام آباد:روس سے تیل کی خریداری کے معاملے پر ماسکو سے وفد جنوری میں پاکستان پہنچے گا۔حکومتی ذرائع کے مطابق پاکستان اور روس کے درمیان خام تیل اور پٹرولیم مصنوعات خریداری سے متعلق ویڈیو لنک کے ذریعے اجلاس ہوا جس میں وزیر مملکت پٹرولیم مصدق ملک اور سیکرٹری پٹرولیم شریک ہوئے۔ذرائع کے مطابق روسی وفد میں آن لائن روسی وزارت توانائی کے حکام نے شرکت کی۔دوران اجلاس روسی حکام نے انیس اور بیس جنوری کو تیل کی خریداری سے متعلق مزید بات چیت کے لئے پاکستان آمد کا عندیہ دیا۔ذرائع کے مطابق اجلاس میں دونوں ملکوں کے درمیان آئندہ ہونے والے انٹرگورنمنٹل کمیشن کے اجلاس کے ایجنڈے پر بھی بات ہوئی۔