9 مئی واقعہ ، شرپسند وں کی گرفتاریاں جاری ، پنڈی سے 500 سے زائد ملزمان گرفتار

راولپنڈی ،9 مئی کو پی ٹی آئی کے پرتشدد مظاہروں میں ملوث شرپسندوں کی گرفتاریوں کا سلسلہ جاری ہے ۔آر پی او کے مطاق چار اضلاع میں 514 ملزمان گرفتار کیے گئے ہیں جبکہ ضلع اٹک ، جہلم ، راولپنڈی اور چکوال میں 27 مقدمات درج کیے گئے ہیں ۔آر پی او نے بتایا کہ جی ایچ کیو حملے کا مقدمہ تھانہ آر اے بازار راولپنڈی میں درج کیاگیا ہے توڑ پھوڑ پر درج مقدمات میں نامزد اور نامعلوم ملزمان کی تعداد 3 ہزار 293 ہے جبکہ چار اضلاع میں درج مقدمات میں 464 ملزمان نامزد کئے گئے ہیں ، مقدمات میںنامزد ملزمان میں پی ٹی آئی کی مقامی قیادت بھی شامل ہیں ۔آر پی او کے مطابق تھری ایم پی او آرڈر کے تحت 240 ملزمان کو گرفتار کیاگیا ہے اس کے علاوہ 2 ہزار 779 نامعلوم اور نامزد ملزمان کی گرفتاریوں کا سلسلہ جاری ہے ۔