پنجاب اور خیبر پختونخوا میں الیکشن کیلئے فنڈ دینے کا بل مسترد

قومی اسمبلی کی قائمہ کمیٹی خزانہ نے پنجاب اور کے پی میں الیکشن کیلئے فنڈ دینے کا بل مسترد کردیا۔قومی اسمبلی کی قائمہ کمیٹی خزانہ کاقیصر احمد شیخ کی زیر صدارت اجلاس ہوا جس میں منی بل کو اتفاق رائے سے مسترد کردیاگیا۔اجلاس میں وزارت خزانہ نے پنجاب میں انتخابات کیلئے فنڈز کی فراہمی سے معذرت کرلی۔اجلاس میں وزیر مملکت خزانہ عائشہ پاشا نے کہا کہ پاکستان آئی ایم ایف کے سخت پروگرام میں ہے ہمیں فنڈز کی قلت اور بھاری خسارے کا سامنا ہے عائشہ غوث پاشا نے کہا کہ ہمارے پاس مختص بجٹ کے علاوہ اضافی فنڈز دستیاب نہیں ہیں ، اضافی فنڈز فراہم کیے تو یہ آئی ایم ایف پروگرام سے تجاوز ہوگا۔انہوں نے کہا کہ آئی ایم ایف کیساتھ طے شدہ خسارے تک محدود رہنا چاہتے ہیں