پاک فوج کے 12 میجر جنرلوں کی لیفٹیننٹ جنرل کے عہدے پر ترقی کر دی گئی، ترجمان پاک فوج میجر جنرل بابر افتخار بھی ترقی پانے والوں میں شامل ہیں۔
پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق میجر جنرل سے لیفٹیننٹ جنرل کے عہدے پر ترقی پانے والوں میں میجر جنرل انعام حیدر ملک، میجر جنرل فیاض حسین شاہ، میجر جنرل نعمان زکریا، میجر جنرل محمد ظفر اقبال، میجر جنرل ایمن بلال صفدر شامل ہیں۔
بیان کے مطابق دیگر ترقی پانے والوں میں میجر جنرل احسن گلریز، میجر جنرل سیّد عامر رضا، میجر جنرل شاہد امتیاز، میجر جنرل محمد منیر افسر، ڈی جی آئی ایس پی آر میجر جنرل بابر افتخار، میجر جنرل یوسف جمال، اور میجر جنرل کاشف نذیر شامل ہیں۔