پاکستا نی حملے کا خطرہ ،بھارتی شہروں میں مکمل بلیک آؤٹ، شہریوں کو گھروں میں رہنے کی ہدایت، دھماکوں کی اطلاعات

نئی دہلی:بھارت کے مختلف شہروں میں پاکستان کے خوف سے بلیک آٹ کردیا گیا جبکہ بھارتی سوشل میڈیا پر مہاراشٹر اور امرتسر میں دھماکوں کی خبریں گردش کررہی ہیں۔بھارتی پنجاب کے شہر امرتسر میں رات کو مکمل بلیک آٹ کر دیا گیا جس کے بعد شہر بھر میں بے یقینی اور تشویش کی فضا پیدا ہو گئی۔ مقامی انتظامیہ کی جانب سے شہریوں کو گھروں میں رہنے اور لائٹیں بند رکھنے کی ہدایات جاری کی گئی ہیں۔
انتظامیہ کی جانب سے بلیک آٹ کی وجوہات فوری طور پر واضح نہیں کی گئیں، تاہم سوشل میڈیا پر امرتسر اور مہاراشٹر میں دھماکوں کی اطلاعات پر مبنی پوسٹس وائرل ہو رہی ہیں۔یاد رہے گزشتہ رات بھارت نے پاکستان کی فضائی حدود کی خلاف ورزی کرتے ہوئے پاکستان کے مختلف شہروں میں میزائل اور ڈرون حملے کیے تھے جس پر پاکستانی فوج نے بھارت کو منہ توڑ جواب دیا تھا۔