وفاقی دارالحکومت میں پولیس کو ریڈ الرٹ کر دیا گیا

وفاقی دارالحکومت میں پولیس کو ریڈ الرٹ کر دیا گیا۔تفصیلات کے مطابق وفاقی دارالحکومت میں پولیس کو ریڈ الرٹ کر دیا گیا۔تمام تھانوں میں نفری اکٹھی کی جا رہی ہے۔ اینٹی رائٹ یونٹ کو آنسو گیس کے شیل بھی فراہم کر دئیے گئے۔ایک ہزار سے زائد پولیس نفری کو الرٹ رہنے کا حکم دیا گیا ہے۔ ذرائع کا دعویٰ ہے کہ تحریک انصاف کےچیئرمین عمران خان کی آئندہ 24 گھنٹوں میں گرفتاری متوقع ہے،توشہ خانہ اور خاتون جج کودھمکی دینے کے کیسز میں اسلاآباد پولیس آئندہ 24 گھنٹوں میں عمران خان کےناقابل ضمانت وارنٹ گرفتاری پرعملدآمد کیلئے زمان پاک جائے گی۔باخبر ذرائع کے مطابق اسلام آباد پولیس کی ٹیم خصوصی ہیلی کاپٹر کے ذریعے عمران خان کے وارنٹ گرفتاری لے کر لاہور پہنچی،جہاں لاہور اور اسلام آباد پولیس کے افسران کا اجلاس کئی گھنٹے تک جاری رہا۔