نگراں وزیراعلیٰ پنجاب کی لاہور میں کینسر ہسپتال بنانے کی منظوری

نگراں وزیراعلیٰ پنجاب محسن نقوی نے لاہور میں کینسر ہسپتال بنانے کی منظوری دیدی ۔محسن نقوی نے مناواں ہسپتال کا دورہ کیا ، کینسر ہسپتال کیلئے مجوزہ اراضی اور ہسپتال کی عمارت کا معائنہ کیا ۔نگراں وزیراعلیٰ کی زیر صدارت مناواں ہسپتال کے کمیٹی روم میں اجلاس بھی ہوا جہاں انہوں نے مناواں ہسپتال کو کینسر ہسپتال میں تبدیل کرنے کا ٹاسک دیدیا ہے ۔انہوں نے کہاکہ یہ 14 کروڑ عوام کا صوبہ ہے جہاں کینسر کا ایک بھی جدید سرکاری ہسپتال نہیں ہے ۔انہوں نے کینسر ہسپتال کا ڈیزائن اور دیگر امور جلد طے کرنے کی ہدایت جاری کی ۔