نجی علاجگاہوں کو منکی پاکس کے مریضوں کو داخل کرنے سے روک دیا گیا

پنجاب ہیلتھ کیئر کمیشن نے نجی علاجگاہوں کو منکی پاکس کے مریضوں کو داخل کرنے سے روک دیا ہے ۔کمیشن نے نجی علاج گاہوں کو ہدایت کی ہے کہ مشتبہ منکی پاکس مریضوں کو مختص سرکاری ہسپتالوں میں ریفر کیاجائے۔پنجاب ہیلتھ کیئر کمیشن نے نجی ہسپتالوں کو ہدایت کی ہے کہ منکی پاکس کے مشتبہ کیسوں کی شناخت یقینی بنائی جائے۔پندرہ سال سے کم عمر منکی پاکس مریضوں کو چلڈرن ہسپتال لاہور اور اس سے زائد عمر کے مریضوں کو لاہور جنر ل ہسپتال ریفر کیاجائے ۔نجی علاجگاہوں کو یہ ہدایت بھی کی گئی ہے کہ منکی پوکس کے مشتبہ ممکنہ اور تصدیق شدہ کیسز کی اطلاع متعلقہ ڈسٹرکٹ ہیلتھ اتھارٹی یا 1033 ہیلپ لائن پر دی جائے