مونس الٰہی کے انٹرپول کے ذریعے ریڈ وارنٹ جاری کروانے کیلئے مراسلہ ارسال

سابق وزیر اعلیٰ پنجاب چوہدری پرویز الٰہی کے صاحبزادے مونس الٰہی کے خلاف منی لانڈرنگ اور کرپشن کیس میں اہم پیش رفت ہوئی ہے۔ایف آئی اے لاہور نے مونس الٰہی کو انٹرپول کے ذریعے ریڈ وارنٹ جاری کرنے کے لیے خط بھیجا ہے۔سپیشل جج سینٹرل نے اس سے قبل مونس الٰہی کے خلاف بطور اشتہاری وارنٹ گرفتاری جاری کیا تھا۔لاہور کی احتساب عدالت نے ترقیاتی منصوبوں میں مبینہ کرپشن کے کیس میں تحریک انصاف کے رہنما مونس الٰہی کو اشتہاری قرار دیتے ہوئے تحریری فیصلہ جاری کیا تھا۔فیصلے میں کہا گیا کہ عدالت مونس الٰہی کو عوامی شخصیت قرار دینے کا حکم دیتی ہے اور مونس الٰہی کی گرفتاری تک ان کے ناقابل ضمانت وارنٹ گرفتاری برقرار ہیں۔