ملک کے 9 اضلاع کے ماحولیاتی نمونوں میں پولیو وائرس کی تصدیق

ملک کے 9 اضلاع کے ماحولیاتی نمونوں میں پولیو وائرس کی تصدیق ہوئی ہے۔وزارت صحت کے ترجمان کے مطابق کوئٹہ، مستونگ، ملتان، پشاور، نوشہرہ، حب سے ایک ایک نمونے میں پولیو وائرس پایا گیا ہے۔اس کے علاوہ کراچی ملیر، کراچی ساو¿تھ اور ڈی آئی خان کے نمونوں میں بھی پولیو وائرس کی تصدیق ہوئی ہے۔ترجمان وزارت صحت کے مطابق تمام نمونوں میں پایا جانے والا وائرس سرحد پار سے آیا، وائرس کی منتقلی کو روکنے کا واحد طریقہ پولیو ویکسین ہے۔ترجمان وزارت صحت کا کہنا ہے کہ پولیو کے قطرے پلا کر بچوں کو معذوری سے بچایا جا سکتا ہے، والدین اپنے 5 سال سے کم عمر کے تمام بچوں کو پولیو کے قطرے ضرور پلائیں۔