مفت آٹا سکیم ،مبینہ بے ضابطگیوں کیخلاف تحقیقات کا دائرہ وسیع

نیب نے حکومت پنجاب کی مفت آٹا اسکیم میں مبینہ بے ضابطگیوں کیخلاف تحقیقات کا دائرہ وسیع کردیا ، نیب ٹیم نے پاکستان فلور ملز ایسوسی ایشن کے دفتر پہنچ کر عہدیداروں سے پوچھ گچھ کی نیب کی تین رکنی ٹیم دو گھنٹے فلور ملزم ایسوسی ایشن کے ہیڈ آفس میں رہی اور سستے آٹے کا ریکارڈ اورمعلومات طلب کیں۔ایسوسی ایشن نے ٹیم کو گندم کے حصول اور آٹے کی پسائی کے عمل سے آگاہ کیااس سے قبل نیب ٹیم محکمہ خوراک سے تحقیقات کرچکی ہے ، ذرائع کے مطابق چند روز میں فلور ملزمالکان ، ڈیلر اور بیوروکریسی کی گرفتاریاں متوقع ہیں ۔