مائل ہائی 360سکواش :3 پاکستانی کھلاڑی سیمی فائنل میں پہنچ گئے

نیویارک : تین قومی کھلاڑیوں نے سیمی فائنل میں جگہ بنالی۔امریکا میں جاری مائل ہائی 360 سکواش میں پاکستانی کھلاڑی شاندار کارکردگی کا مظاہرہ کررہے ہیں عاصم خان، نور زمان اور اشعب عرفان سیمی فائنل میں پہنچ گئے ہیں ، اشعب عرفان نے کوارٹر فائنل میں ٹاپ سیڈ کینیڈا کے ڈیوڈ بیلارگیون کو شکست دی، ان کی جیت کا سکور 6۔11، 10۔12 اور 7۔11 رہا۔عاصم خان نے سیکنڈ سیڈ میکسیکو کے سیزار سالازار کو شکست دی، میکسیکن پلیئر عاصم کے خلاف 1۔2 سے خسارے کے بعد چوتھے گیم میں دستبردار ہو گئے، عاصم کی کامیابی کا اسکور 10۔12، 2۔11، 7۔11 اور 0۔11 رہا۔ نور زمان نے سیڈ نمبر 4 امریکا کے اسپینسر لووجوئے کو شکست دی، نور زمان کی کامیابی کا سکور 8۔11، 2۔11، 11۔8 اور 6۔11 رہا۔عاصم خان کا مقابلہ نور زمان سے ہوگا جبکہ اشعب عرفان سیمی فائنل میں انگلینڈ کے ٹام والش سے مقابلہ کرینگے