شیخ رشید کی رہائشگاہ لال حویلی کو سیل کردیا گیا

راولپنڈی:سابق وزیر داخلہ شیخ رشید کی راولپنڈی میں آبائی رہائشگاہ لال حویلی کو سیل کردیا گیا۔محکمہ متروکہ وقف املاک نے علی ا لصبح پولیس کی بھاری نفرس کے ساتھ کارروائی کی۔ایڈمنسٹریٹر محکمہ متروکہ وقف املاک آصف محمود نے بتایا کہ محکمہ نے راولپنڈی میں شیخ رشید کی لال حویلی سمیتچار یونٹس کو سیل کیا ہے جبکہ لال حویلی کے ایک یونٹ کی رجسٹری کی تصدیق کے لئے حکام کو لکھ دیا گیا ہے۔رجسٹری تصدیق پر سیل کرنے یا نہ کرنے کا فیصلہ کیا جائے گا۔آصف محمود نے کہا کہ لال حویلی سرکاری اراض ہے جس پر عرصہ دراز سے قبضہ کیا گیا ہے لال حویلی سیل کرتے ہوئے پولیس کی بھاری نفری اور ضلعی انتظامیہ کے افسران موجود تھے۔محکمہ اوقات نے لال حویلی کے تمام اداخلی دروازوں پر سرکاری تالے لگا کر سیل کردیئے محکمہ مزید قانونی کارروائی سے شروع کرے گا۔