سابق صدر ریٹائرڈ جنرل پرویز مشرف نایاب بیماری amyloidosis کے ساتھ طویل جنگ کے بعد اتوار کو دبئی میں انتقال کر گئے۔ وہ 79 سال کے تھے۔
دبئی میں پاکستانی قونصل خانے اور ابوظہبی میں سفارت خانے کی ترجمان شازیہ سراج نے اس خبر کی تصدیق کی۔ “میں اس بات کی تصدیق کر سکتی ہوں کہ آج صبح ان کا انتقال ہو گیا،” انہوں نے رائٹرز کو بتایا۔
خبر کے مطابق پرویز مشرف کی میت کو تدفین کے لیے پاکستان لانے کے لیے پیر کو خصوصی پرواز دبئی جائے گی۔
دریں اثنا، خلیج ٹائمز کی ایک رپورٹ میں کہا گیا ہے کہ دبئی میں پاکستان کے قونصلیٹ جنرل نے ایک نو آبجیکشن سرٹیفکیٹ (این او سی) جاری کیا ہے کیونکہ مشرف کا خاندان ان کی میت کو پاکستان واپس بھیجنے کا ارادہ رکھتا ہے۔
رپورٹ میں قونصل جنرل حسن افضل خان کے حوالے سے بتایا گیا کہ “ہم اہل خانہ کے ساتھ رابطے میں ہیں اور قونصل خانہ ہر طرح سے سہولت فراہم کرے گا، قونصل خانے نے عدم اعتراض کا سرٹیفکیٹ جاری کر دیا ہے”۔