دھابیجی میں بجلی کا بریک ڈاون، کراچی کو پانی فراہم کرنے والی لائن پھٹ گئی

دھابیجی پمپنگ اسٹیشن پر بجلی کا بریک ڈاو¿ن ہونے سے 72 انچ قطر کی پائپ لائن پھٹ گئی۔واٹر کارپوریشن کا کہنا ہے کہ 72 انچ قطر کی پائپ لائن نمبر 5 بیک پریشر کے باعث پھٹ گئی، پائپ لائن پھٹنے سے دوسرے فیز اور کے ٹو پمپ ہاوس کو بند کردیا گیا۔واٹر کارپوریشن نے کہا کہ کراچی کو 72 انچ قطر کی پائپ لائن کے ذریعے پانی فراہم کیا جاتا ہے۔دوسری جانب چیف انجینئر واٹر کارپوریشن کا کہنا ہے کہ متاثرہ لائن کی بحالی کا کام ہنگامی بنیادوں پر شروع کر دیا گیا ہے، متاثرہ لائن کی مرمت کا کام آئندہ 24 گھنٹوں میں مکمل کر لیا جائے گا۔چیف انجینئر نے کہا کہ کراچی کو متبادل لائنوں کے ذریعے پانی کی فراہمی جاری ہے۔