ثاقب نثار سیاسی دکان چمکانے کیلئے عدالت لگاتے تھے ، وزیراعظم

راولپنڈی: شہباز شریف نے سابق چیف جسٹس کو آڑے ہاتھوں لیتے ہوئے کہا ہے کہ ثاقب نثا ر غریب کو انصاف کیلئے نہیں سیاسی دکان چمکانے کیلئے عدالت لگاتے تھے ۔وزیراعظم شہباز شریف نے کہا کہ مریضوں کا علاج کرنا بہت بڑی عبادت ہے اس ہسپتال کی تعمیر میں پانچ ارب روپے لگے چکے ہیں ہسپتال کو بہت پہلے دکھی انسانیت کی خدمت میں کردار ادا کرناچاہتے تھا۔ انہوں نے کہاکہ پچھلی حکومت نے اس ہسپتا ل کو ردی کی ٹوکری ی میں پھینک دیا تھا لیکن کورونا کے دنوں میں بھی ہسپتال نے بے پناہ خدمات انجام دیں ۔وزیراعظم نے سابق چیف جسٹس کو آڑے ہاتھوں لیتے ہوئے کہا کہ ایک شخص دن رات کہتا تھا کہ شہباز نے 20 ارب کہاں لگائے وہ شخص کہتا تھا کہ 20 ارب روپے غرق ہوگئے ہیں اس شخص کا نام ہے ثاقب نثار اگر بیس ارب غرق ہوگئے تھے تو لاہور کا سب سے بڑا کورونا سینٹر کیسے بن گیا،پی کے ایل آئی میں مفت پیوند کاری کاانتظام کیاگیا تھا۔