امتحان میں نقل کرتے ہوئے پکڑی گئی تھی، شردھا کا انکشاف

اسلام آباد:بالی ووڈ اداکارہ شردھا کپور نے امتحانات میں نقل کرنے اوررنگے ہاتھوں پکڑے جانے کا انکشاف کیا ہے۔ بھارتی میڈیا کے مطابق شردھا ان دنوں اپنی فلم تو جھوٹی میں مکار کی پروموشن میں مصروف ہیں اس دوران بھارتی میڈیا سے گفتگو کرتے ہوئے شردھا نے اپنے بچپن کے واقعے کا ذکر کیا۔ شردھا نے بتایا کہ ہم میں سے کئی لوگ زندگی میں امتحانات کے دوران چیٹنگ کرتے ہیں، میں امتحان کے دوران خود سے بہت مایوس تھی میں نے اپنے کپڑوں میں اپنے جوابات لکھ کر چھپالیے تھے اور سوچ رہی تھی کہ کیا شاندار آئیڈیا ہے کوئی مجھے نہیں پکڑ سکے گا۔ میں سوچ رہی تھی کہ میرے اب امتحان میں بہت اچھے نمبر آنیوالے ہیں لیکن کچھ ہی دیر میں نقل کرتے ہوئے پکڑی گئی۔ اداکار نے بتایا کہ امتحان کے دوران جب میں نقل کررہی تھی توکچھ ہی دیر میں مجھے احساس ہوا کہ ٹیچر میرے برابر میں ہی کھڑی ہیں۔ جس کے بعد میری ٹیچر نے چلا کہ کہا شردھا اور پھر میں رنگے ہاتھوں پکڑی گئی۔