الیکشن کمیشن آف پاکستان نے رائے شماری کے عمل پر اثر انداز ہونے کی کوشش کرنے والوں کو فوری طور پر گرفتار کرنے کی ہدایات جاری کر دیں۔
چیف الیکشن کمشنر سکندر سلطان راجہ نے تینوں صوبائی الیکشن کمشنروں کو ہدایات جاری کی ہیں کہ اگر کوئی شخص بھی رائے شماری کے عمل پر اثر انداز ہونے کی کوشش کرے تو اس کو فوری طور پر گرفتار کیا جائے اور قانون کے مطابق اس کے خلاف کارروائی کی جائے۔
چیف الیکشن کمشنر نے کہا ہے کی اگر کوئی سرکاری ملازم دھاندلی میں ملوث پایا جائے تو نہ صرف اس کی فوری گرفتاری عمل میں لائی جائے، بلکہ اس کے خلاف قانونی کارروائی کی جائے۔
الیکشن کمیشن نے کہا ہے کہ سرکاری ملازم کے مقدمے کو الیکشن کمیشن آف پاکستان کو بھیجا جائے تاکہ اس کے خلاف انضباطی کارروائی کی جا سکے۔
ترجمان الیکشن کمیشن نے کہا ہے کہ چیف الیکشن کمشنر پورے انتخابی عمل کی نگرانی بذات خود کر رہے ہیں، عوام بلا خوف و خطر حق رائے دہی دینے کے لیے آئیں۔
Leave feedback about this