اسپیکر قومی اسمبلی راجہ پرویز اشرف نے تحریک انصاف کے مزید 11 ارکان کے استعفے منظور کرنے کا فیصلہ کر لیا۔
ذرائع کے مطابق اسپیکر قومی اسمبلی کی جانب سے آج یا کل مزید استعفے منظور کیے جانے کا امکان ہے، اس کے ساتھ مخصوص نشستوں پر بھی بعض ارکان کے استعفے منظور کرنے کا فیصلہ کیا گیا ہے۔
اسپیکر قومی اسمبلی اس سے پہلے بھی گیارہ پی ٹی آئی ارکان کے استعفے منظور کر چکے ہیں، اور الیکشن کمیشن نے بھی گیارہ ارکان کو ڈی نوٹیفائی کر کے نوٹیفیکیشن جاری کیا ہے۔