یونان کشتی حادثہ، کوٹلی کے 166 نوجوانوں کے لاپتا ہونے کی تصدیق

یونان کشتی حادثے میں اب تک کوٹلی کے لاپتا 166 نوجوانوں کی تصدیق ہوگئی ۔ڈی آئی جی میرپور خالد محمود چوہان کا کہنا ہے کہ لاپتا مزید 88 نوجوانوں کے والدین نے رابطہ کیا ہے کہ 50 دیگر لاپتا نوجوانوں کا ڈیٹا علاقائی سطح پر لوگوں کی مدد سے جمع کیاہے ۔یونان میں لاپتا نوجوانوں کی تعداد میں مزید اضافہ ہوسکتا ہے ، لاپتا نوجوانوں میں سے کچھ ابھی یونان کی جیل میں کچھ تفتیش کے مراحل میں ہیں ۔14 جون کو غیر قانونی طریقے سے یورپ جانے کے خواہشمند تارکین وطن کی کشتی یونان کے ساحل کے قریب ڈوب گئی تھی ، جس میں ابتدائی طورپر 78 افراد ہلاک ہوئے تھے اور بعد ازاں 4 مزید لاشیںنکالی گئی تھیں۔