پاکستان دہشتگرد گروہوں پر پابندی یقینی جاری رکھے ، امریکا

امریکی وزارت خارجہ کے ترجمان نے کہا ہے کہ مانتے ہیں پاکستان نے انسداد دہشتگردی کیلئے بہت سے اقدامات کیے ہیں ۔واشنگٹن میں پریس بریفنگ کے دوران ان کا کہناتھا کہ پاکستان تمام دہشتگردگروہوں پر پابندی کویقینی طورپر جاری رکھنے کیلئے اقدامات کرتا رہے ۔امریکی وزارت خارجہ کے ترجمان نے کہا کہ ان گروہوں میں لشکر طیبہ ، جیش محمد ، سمیت ان کے دیگر ذیلی گروہ شامل ہیں ۔ان کا کہنا تھا کہ امریکا اس سلسلے میں پاکستانی حکام سے مسلسل رابطے میں ہے ، جو کہ 2023 کے انسداد دہشتگردی کے ڈائیلاگ کا حصہ تھا۔امریکی وزارت خارجہ کے ترجمان نے کہا کہ بھارت اور پاکستان سے کہتے ہیں کہ لائن آف کنٹرول پر سیز فائر جاری رکھیں ،انسانی حقوق پر بھارت سے تشویش کرتے رہتے ہیں ، صدر بائیڈن نے بھی اپنی پریس کانفرنس میں اس مسئلے کو اُٹھایا ۔