کینیڈا کے جنگلات میں لگنے والی آگ بارش سے بھی قابو نہ آسکی

کینیڈا کے جنگلات میں گذشتہ کئی ہفتوں سے لگنے والی آگ پر بالآخر بارش برس ہی گئی ۔کینیڈا کے صوبے البرٹا کے جنگلات میں کئی ہفتوں قبل آگ بھڑک اُٹھی تھی آگ بے قابو ہونے کی وجہ سے دس ہزار سے زاہد افراد بے گھر ہوگئے تھے اور نو لاکھ 45 ہزار ایکڑ سے زائد رقبہ آگ کی لپیٹ میں آگیا تھا ، البرٹا کی وائلڈ لایف ایجنسی سے منسلک کرسٹی ٹکر کے مطابق پیر کے روز آگ لگنے کی جگہ پر بادل برسے ہیں تاہم مزید بارش کی بھی توقع ہے ۔ایجنسی کا کہنا ہے کہ بارش آگ بجھانے کے عمل میں حصہ لینے والے فائرفائٹرز کیلئے مددگار ثابت ہوئی ہے جس کی وجہ سے فائر فائٹرز کو آگ پرقابو پانے کا موقع ملا ہے ۔