کولوراڈو کی سپریم کورٹ نے ٹرمپ کو صدارتی انتخاب کیلئے نااہل قرار دیدیا

امریکی ریاست کولوراڈو کی سپریم کورٹ نے ڈونلڈ ٹرمپ کو صدارتی انتخابات کی پرائمری کے لیے نااہل قرار دے دیا۔امریکی تاریخ میں یہ پہلا موقع ہے کہ کسی عدالت نے صدارتی امیدوار کو 1868 کی شق کے تحت نااہل قرار دیا ہے۔عدالت کا کہنا ہے کہ کیپیٹل ہل پر حملے میں ملوث ہونے کی وجہ سے ٹرمپ امیدوار بننے کے اہل نہیں ہیں۔صدر ٹرمپ کی انتخابی مہم نے عدالتی فیصلے کو غلط اور غیر جمہوری قرار دیا ہے۔عدالتی فیصلے کا اطلاق صرف کولوراڈو پر ہوگا، ٹرمپ ترجمان نے فیصلے کو غیر جمہوری قرار دیتے ہوئے امریکی سپریم کورٹ میں اپیل کرنے کا اعلان کیا ہے۔ڈونلڈ ٹرمپ کے پاس کولوراڈو کی عدالت کے فیصلے کے خلاف اپیل کرنے کے لیے 4 جنوری تک کا وقت ہے۔