سٹاک ایکسچینج میں نیا ریکارڈ قائم، 88 ہزار پوائنٹس کی حد عبور

کراچی:چوتھے روز کاروبار کا آغاز مثبت زون میں ہوا، ٹریڈنگ کے دوران 800 سے زائد پوائنٹس کے اضافے سے پاکستان سٹاک ایکسچینج میں ہنڈرڈ انڈیکس 88 ہزار 019 پوائنٹس کی سطح پر ٹریڈ کر رہا ہے۔ کاروباری ہفتے کے تیسرے روز بھی کاروبار کا اختتام مثبت زون میں ہوا جس کے باعث ہنڈرڈ انڈیکس 727 پوائنٹس اضافے کیساتھ 87 ہزار 194 پوائنٹس کی بلند ترین سطح پر بند ہوا تھا۔انٹربینک میں ڈالر کی قدر میں کمی کا سلسلہ برقرار ہے۔ انٹر بینک میں امریکی کرنسی کی قیمت میں 3 پیسے کمی واقع ہوئی ہے جس کے ساتھ انٹر بینک میں ڈالر 277.73 روپے سے کم ہو کر 277.70 روپے پر ٹریڈ ہو رہا ہے۔