حکومت آئی ایم ایف کے سامنے مجبور،عوام پر مہنگائی کے مزید بم گرانے کی تیاری

اسلام آباد:وزیر مملکت برائے خزانہ عائشہ غوث پاشا نے کہا ہے کہ عالمی مالیاتی ادارہ کے ساتھ بات چیت جاری ہے،حکومت کی خواہش ہے عام آدمی پر زیادہ بوجھ نہ پڑے لیکن آئی ایم ایف ہمیں دوسری طرف لے جانا چاہتا ہے۔میڈیا سے بات چیت میں انہوں نے بتایا کہ پروگرام میں جانے کے لئے آئی ایم ایف کی تمام باتیں ماننا پڑیں تو مان لیں گے،سخت فیصلے بھی لینا پڑے تو لیں گے،عائشہ عوث پاشا نے کہاکہ پاکستان بحرانی صورتحال سے گزر رہا ہے،پاکستان کو ایک طوفان کا سامنا ہے،حکومت کے پاس روڈ میپ اور پلان ہے۔عائشہ غوث پاشا نے کہا کہ چاہتے ہیں کہ آئی ایم ایف پروگرام جلد بحال ہوجائے اور اس کے لئے آئی ایم ایف سے مذاکرات بھی چل رہے ہیں۔