حکمران جماعتوں نے سپریم کورٹ پروسیجر بل پر عدالت عظمیٰ کے بینچ کاقیام مسترد کردیا

اسلام آباد: حکومت میں شامل جماعتوں نے سپریم کورٹ پروسیربل پر عدالت عظمیٰ کے آٹھ رکنی بینچ کے قیام کو مسترد کردیا۔مشترکہ اعلامیے میں کہا گیا ہے کہ حکمران جماعتوں نے سپریم کورٹ پروسیجر اینڈ پریکٹس بل پر متنازعہ بینچ تشکیل دینے کا اقدام مسترد کرتی ہیں ۔اعلامیے میں کہا گیا ہے کہ اس نوعیت کا اقدام پاکستان اور عدالت کی تاریخ میں اس سے قبل پہلے کبھی دیکھنے میں نہیں آیا، یہ ملک کی اعلیٰ ترین عدالت کی ساکھ ختم کرنے انصاف کے آئینی عمل کو بے معنی کرنے کے مترادف ہے ۔مشترکہ اعلامیے میں مزید کہا گیا ہے کہ سپریم کورٹ کی تقسیم سے حکومت میں شامل جماعتوں کے موقف کی پھر تائید ہوئی ، بلوچستان اور خیبر پختونخوا سے کوئی جج بینچ میں شامل نہ کرنا بھی افسوسناک ہے حکمران جماعتیں اس اقدام کو پارلیمان اور اس کے اختیار پر شب خون قرر دیتی ہیں اس اقدام کی بھرپور مزاحمت کی جائے گی