جی ایچ کیو حملہ کیس، عمران خان پر فرد جرم عائد، عمر ایوب،راجہ بشارت گرفتار

راولپنڈی 9مئی کو جی ایچ کیو حملہ کیس میں بانی پاکستان تحریک انصافعمران خان پر فرد جرم عائد کردی گئی۔انسداد دہشت گردی عدالت کے جج امجد علی شاہ نے اڈیالہ جیل میں 9 مئی جی ایچ کیو حملہ کیس کی سماعت کی۔ سماعت کے موقع پر بانی پی ٹی آئی اور شاہ محمود قریشی کو کمرہ عدالت میں پیش کیا گیا۔ عمرایوب، شیخ رشید، فواد چوہدری، زرتاج گل اور راجہ بشارت سمیت دیگر ملزمان بھی پیش ہوئے۔وکلا کے دلائل مکمل ہونے کے بعد جج امجد علی شاہ نے فرد جرم کمرہ عدالت میں پڑھ کر سنائی۔
بانی پی ٹی آئی کے علاوہ شیخ رشید سمیت دیگر ملزمان پر بھی فرد جرم عائد کی گئی ہے۔پولیس نے سابق صوبائی وزیر راجہ بشارت کو اڈیالا جیل کے باہر سے گرفتار کرلیا۔بانی پی ٹی آئی سمیت دیگر ملزمان نے صحت جرم سے انکار کیا ہے۔سانحہ 9 مئی جی ایچ کیو حملہ کیس کا مقدمہ تھانہ آر اے بازار میں درج ہے۔ مقدمے میں بانی پی ٹی آئی سمیت 143 ملزمان نامزد ہیں۔عدالت 23 ملزمان کو پہلے ہی اشتہاری قرار دے چکی ہے۔ اشتہاری قرار دیے گئے ملزمان میں شہباز گل، ذلفی بخاری اور مراد سعید بھی شامل ہیں۔پی ٹی آئی کی قیادت کے 70 رہنماں پر الزام ہے کہ انہوں نے 9 مئی کی منصوبہ سازی کی۔ان پر الزام ہیکہ کارکنان کو جلا گھیرا اور عسکری وسرکاری تنصیبات پر حملوں کے لیے اکسایا۔