جمشید چیمہ اور مسرت جمشید پی ٹی آئی چھوڑ رہے ہیں ۔ وکیل ملک ریاض

جمشید چیمہ کے وکیل ملک محمد ریاض نے دعویٰ کیا ہے کہ جمشید چیمہ اور مسرت جمشید پی ٹی آئی چھوڑنے جارہے ہیں۔اسلام آباد ہائیکورٹ میں گفتگو کرتے ہوئے ملک محمدریاض نے کہا کہ جمشید چیمہ اور مسرت جمشید تحریک انصاف چھوڑ رہے ہیں ۔اس سے قبل اسی معاملے سے متعلق عمران خان سے بھی سوال کیاگیا تھا۔عمران خان کی جوڈیشل کمپلیکس میں پیشی کے موقع پر کمرہ عدالت میں غیر رسمی گفتگو کے دوران صحافی نے ان سے سوال کیا تھا کہ کیا آپ کی جماعت سے مسرت چیمہ اور جمشید چیمہ پارٹی چھوڑ کر جارہے ہیں ؟جس پر عمران خان نے جواب دیا کہ یہ پارٹی چھوڑ کر نہیں جارہے ہیں انہیں زبردستی پارٹی چھڑوائی جارہی ہے مجھے اپنی پارٹی کی خواتین کی گرفتاری کا سب سے زیادہ دکھ ہے ۔