بلدیاتی محکموں کے ترقیاتی فنڈز منجمد ،نوٹیفکیشن جاری

الیکشن کمیشن آف پاکستان نے تمام بلدیاتی محکموں کے ترقیاتی فنڈز منجمد کرنے کا نوٹیفکیشن بھی جاری کر دیا ہے۔الیکشن کمیشن کے نوٹیفکیشن کے مطابق بلدیاتی محکموں کے ترقیاتی فنڈز عام انتخابات کے نتائج کے اعلان تک منجمد کردیئے گئے ہیں۔نوٹیفکیشن میں الیکشن کمیشن کا کہنا ہے کہ اس دوران مقامی حکومتیں صرف صفائی اور صفائی کے روزمرہ کے امور سرانجام دیں گی۔الیکشن کمیشن کے نوٹیفکیشن میں حکم دیا گیا ہے کہ کسی مقامی ترقیاتی اسکیم کا اعلان نہیں کیا جائے گا اور نہ ہی اس پر کام کیا جائے گا۔نوٹیفکیشن میں الیکشن کمیشن نے ہدایت کی ہے کہ عام انتخابات کے نتائج آنے تک مقامی حکومتیں اور کنٹونمنٹ بورڈز ٹینڈرز جاری نہیں کریں گے۔