بشار الاسد کی اہلیہ شوہر سے علیحدگی کیلئے عدالت پہنچ گئی

ماسکو:بشارالاسد کی اہلیہ اسما الاسد نے شوہر سے علیحدگی کیلئے روس کی عدالت میں درخواست دائر کر دی۔رپورٹ کے مطابق شام کے سابق صدر بشار الاسد کی اہلیہ اسما الاسد کے بارے میں کئی دنوں سے خبریں گردش کر رہی ہیں، جس میں معزول صدر سے علیحدگی کی درخواست کی خبر عام ہے، اگر ان کے درمیان علیحدگی ہوتی ہے تو اسما کی ممکنہ طور پر لندن واپسی کی راہ ہموار ہوسکتی ہے۔
اسما الاسد نے روس کے دارالحکومت ماسکو میں زندگی سے عدم اطمینان کا اظہار کیا، رپورٹ میں بتایا گیا ہے کہ اسما الاسد اپنی والدہ سحر العطر کے تعاون سے برطانیہ منتقل ہونا چاہتی ہیں، کیونکہ وہ برطانوی شہریت رکھتی ہیں۔اسما الاسد جو کبھی شام کی خاتون اول تھیں ماسکو میں اپنی نئی زندگی میں تنہائی اور غیر یقینی محسوس کرنے کے بعد ایک نئی سمت کی تلاش میں ہیں۔