پی ٹی آئی ملک کو مضبوط ہوتا نہیں دیکھنا چاہتی،وزیر اطلاعات

اسلام آباد:وفاقی وزیر اطلاعات و نشریات عطا ء اللہ تارڑ نے اسلام آباد میں پریس کانفرنس کرتے ہوئے کہا ہے کہ وزیراعلی علی امین گنڈاپور نے چند الزامات لگائے، قوم کو کچھ حقائق بتانا ضروری ہیں، غیر ملکی میڈیا کو کے پی میں بلا کر گمراہ کن باتیں بتائی جارہی ہیں، انہوں نے غیر ملکی میڈیا کو گمراہ کن حقائق بتائے ، آپ نے 26 نومبر کو بھی آرٹیفشل انٹیلی جنس سے تصاویر اور ویڈیو بنائیں۔
پاکستان تحریک انصاف ملک کو مضبوط ہوتا نہیں دیکھنا چاہتی۔آپ پر اپنے ہی ورکرز نے پتھرا کیا اور پھر گارڈز نے فائرنگ کی جس کی فوٹیج سامنے آگئی ہے، بشری بی بی نے علی امین گنڈاپور پر پتھرا کروایا، علی امین گنڈپورا،بشری بی بی دونوں نے دوڑ لگائی، میرا پھر وہی سوال ہے کہ دوڑ کیوں لگائی؟
آپ سیاسی طور پر ناکام ہیں،صوبے کو چلانے میں ناکام ہیں، اب غیر ملکی میڈیا کو جیسے مرضی جعلی بریفنگ دیں، آپ نے 9 مئی کو جو کیا قوم کو بھولنے نہیں دیں گے، آپ نے قوم کو بچوں کو اکسایا، باہر سے غیر ملکی عناصر فنڈنگ کرکے فوج کے خلاف مہم چلارہے ہیں، ہم ان کا پورا بندوبست کررہے ہیں ،پیچھے جائیں گے۔یہ لوگوں کو ڈنڈے پڑواتے ہیں اور خود پیچھے سے بھاگ جاتے ہیں، انہوں نے لوگوں کو 9 مئی اور 26 نومبر کیلئے استعمال کیا،علی امین گنڈا پور دھمکیاں لگا رہے ہیں اگلی کال پرامن نہیں ہو گی، علی امین گنڈاپور بتائیں ان کی کون سی کال پرامن رہی ہے، آپ جرم کریں گے پھر کریک ڈان تو ہوگا، آپ میں اتنی ہمت نہیں کہ اگلی کال دیسکیں۔