پرویز الٰہی دل کی تکلیف کے باعث جیل سے ہسپتال منتقل

سابق وزیراعلیٰ پنجاب چوہدری پرویز الٰہی کو اڈیالہ جیل سے راولپنڈی انسٹی ٹیوٹ آف کارڈیالوجی (آر آئی سی) منتقل کر دیا گیا۔جیل ذرائع کے مطابق پرویز الٰہی کو دل کی تکلیف کے باعث آر آئی سی منتقل کیا گیا ہے، وہ گزشتہ رات سے دل کی تکلیف کی شکایت کر رہے تھے۔ذرائع کا کہنا ہے کہ جیل اسپتال میں چوہدری پرویز الٰہی کا طبی معائنہ بھی کیا گیا، طبیعت خراب ہونے کے باعث انہیں آر آئی سی منتقل کیا گیا۔جیل ذرائع کا کہنا ہے کہ پرویز الٰہی کے سینے میں بھی انفیکشن ہوا ہے۔