عمران خان کسی شخص یا ادارے نہیں پاکستان کا نقصان چاہتے ہیں: شرجیل میمن

کراچی: صوبائی وزیر شرجیل انعام میمن نے کراچی میں پریس کانفرنس کرتے ہوئے کہا ہے کہ بانی پی ٹی آئی عمران خان کسی شخص یا ادارے کا نہیں بلکہ پاکستان کا نقصان چاہتے ہیں۔بانی پی ٹی آئی نے آج تک جو جو حرکت کی وہ ان کی اپنی خواہش نہیں، بانی پی ٹی آئی کو کہیں سے نوٹس آتے ہیں، دھرنے کی کال حکومت کا نہیں عوام کا نقصان ہے، 126دن کے دھرنے میں بھی انہوں نے سول نافرمانی کی کال دی تھی۔
بانی پی ٹی آئی نے لوگوں کو کہا حوالہ ہنڈی کے ذریعے پیسے بھیجیں، انہوں نے بجلی کے بل پھاڑے تھے، یہ صرف اور صرف سازش ہے، انہوں نے کہا ڈیفنس پراڈکٹس کا بائیکاٹ کیا جائے، بانی پی ٹی آئی کسی اور کی سازش پر چل رہے ہیں، بانی پی ٹی آئی نہیں چاہتے کسی ادارے میں استحکام ہو۔بانی پی ٹی آئی باری باری ہر ادارے کو ٹارگٹ کررہے ہیں، ان کا ٹارگٹ کوئی سیاستدان یا ادارہ نہیں ان کا ٹارگٹ پاکستان ہے،یہ ملک کا نقصان چاہتے ہیں، مجھے نہیں پتہ بانی پی ٹی آئی کی جان کو خطرہ ہے یا نہیں، فیصل واوڈا بہت علم رکھتے ہیں کیونکہ وہ اسلام آباد میں بیٹھے ہیں۔فیصل واوڈا سینیٹر،اچھے اور نفیس آدمی ہیں اور اچھی سیاست کررہے ہیں، فیصل واوڈا چاہیں تو کسی بھی سیاسی پارٹی کے سربراہ سے مل سکتے ہیں۔