تہران:شمال مشرقی ایران میں مسلح افراد نے عدالتی کمپانڈ پر دھاوا بول دیا، جس کے نتیجے میں متعدد افراد کے جاں بحق ہونے کی اطلاعات ہیں۔ ایرانی میڈیا نے رپورٹ کیا کہ حملہ سیستان بلوچستان کے شہر زاہدان میں کیا گیا، مسلح افراد عدالتی کمپانڈ میں گھس کر ججوں کے چیمبرز میں فائرنگ کرتے رہے۔
سرکاری میڈیا میں بتایا گیا ہے کہ سکیورٹی اہلکاروں نے جوڈیشل کمپانڈ کو گھیرے میں لے لیا ہے جبکہ ریسکیو ٹیمیں بھی موقع پر پہنچ گئی ہیں۔ایرانی میڈیا رپورٹس کے مطابق جیش العدل نامی مسلح گروہ نے زاہدان میں جوڈیشل کمپلیکس پر ہونے والے حملے کی ذمہ داری قبول کر لی ہے، حملے میں متعدد افراد کے جاں بحق اور زخمی ہونے کی اطلاعات ہیں۔
ایران کے مغربی آذربائیجان صوبے کے شہر سردشت کے قریب واقع گاں اغلان میں پاسدارانِ انقلاب کے اڈے پر دہشت گرد حملے میں ایک اہلکار شہید اور دوسرا زخمی ہو گیا۔پاسدارانِ انقلاب کی مغربی آذربائیجان شہدا بیس کے شعبہ تعلقات عامہ کے سربراہ کرنل شاکر نے اعلان کیا کہ چند گھنٹے قبل دہشت گرد گروہ کے ارکان نے سردشت کے قریب اغلان گاں میں واقع اڈے پر اندھا دھند فائرنگ کی، جس کے نتیجے میں ایک اہلکار شہید اور دوسرا زخمی ہو گیا۔انہوں نے مزید تفصیلات فراہم کیے بغیر کہا کہ یہ حملہ خطے میں موجود پاسداران انقلاب کے فوجی اڈے کو نشانہ بنانے کے لیے کیا گیا۔
Leave feedback about this