ایتھلیٹ نیرج چوپڑا رشتہ ازدواج میں منسلک

ممبئی:بھارت کے جیولین تھرو ایتھلیٹ نیرج چوپڑا شادی رشتہ ازدواج میں منسلک ہو گئے۔بھارتی میڈیا رپورٹس کے مطابق بھارت کے معروف جیولن تھرو ایتھلیٹ اور دو بار کے اولمپک میڈلسٹ نیرج چوپڑا نے اپنی شادی کا اعلان فوٹوا ینڈ ویڈیو شیئرنگ ایپ انسٹاگرام پر اپنے آفیشل اکانٹ سے کیا۔
اپنے مداحوں کو شادی کی اطلاع دیتے ہوئے انہوں نے اپنی پوسٹ کے کیپشن میں لکھا کہ “نیرج (دل کا ایموجی)ہیمانی، محبت کے بندھن میں بندھے۔”
پوسٹ میں شادی کی زیادہ تفصیلات نہیں دی گئیں لیکن نیرج کے اس اعلان نے ان کے مداحوں کو ورطہ حیرت میں ڈال دیا ہے کیونکہ ایتھلیٹ اپنی نجی زندگی کی سوشل میڈیا پر تشہیر نہیں کرتے۔نیرج چوپڑا کی اہلیہ کا نام ہیمانی مور ہے اور ان کا تعلق بھارتی ریاست ہریانہ کے ضلع سونی پت سے ہے ، ہیمانی ان دنوں امریکا میں اپنی تعلیم مکمل کر رہی ہیں۔