اپر اورکزئی میں پولیو ٹیم پر فائرنگ ، پولیس اہلکار شہید

اپر اورکزئی میں ڈبوری بادان کلے میں انسدادِ پولیو ٹیم پر مسلح افراد نے فائرنگ کر دی۔پولیس کے مطابق فائرنگ سے انسدادِ پولیو ٹیم کی حفاظتی ڈیوٹر پر مامور ایک پولیس اہلکار شہید اور دوسرا زخمی ہو گیا۔ڈی ایس پی کے مطابق پولیس اور فرنٹیئر کور کے اہلکاروں نے موقع پر پہنچ کر سرچ آپریشن شروع کر دیا ہے۔دوسری جانب بلوچستان کے تمام 36 اضلاع میں انسدادِ پولیو مہم جاری ہے۔بلوچستان میں اس سال پولیو کے21 کیسز رپورٹ ہوئے ہیں۔ملک بھر میں رواں سال پولیو سے متاثرہ بچوں کی تعداد 41 ہو گئی ہے۔