انٹر بینک ، ڈالر 287 روپے 70 پیسے کا ہوگیا

حکومتی اقدامات کے باعث گذشتہ چند ہفتوں سے امریکی ڈالر مسلسل زوال پذیر ہے ، آج بھی کاروبار کے آغاز کیساتھ ہی انٹر بینک میں ڈالر مزید سستا ہوا ہے ۔انٹر بینک میں ڈالر مزید 1 روپے 5 پیسے سستا ہونے کے بعد 287 روپے 70 پیسے کا ہوگیا۔گذشتہ روز انٹر بینک میں کاروبار کے اختتام پر ڈالر 288 روپے 75 پیسے پر بند ہوا تھا۔ دوسری جانب اوپن مارکیٹ میں ڈالر ایک وپے پچاس پیسے سستا ہوکر 288 روپے پچاس پیسے کا ہوگیا۔اوپن مارکیٹ میں گذشتہ روز کاروبار کے اختتام پر ڈالر 290 روپے پر بند ہوا تھا ۔پاکستان اسٹاک ایکسچینج میں آج کاروبار کا مثبت آغاز ہوا جو بعد میں منفی میں تبدیل ہوگیا ۔پاکستان اسٹاک ایکسچینج کا سو انڈیکس 41 پوائنٹس کی کمی کے بعد 46 ہزار 323 پرآگیا۔