واشنگٹن: امریکی صدر ڈونلڈ ٹرمپ کا کہنا ہے کہ ہم تیل کی ترسیل جنگ سے پہلے کی سطح پر کررہے ہیں۔غیر ملکی ذرائع ابلاغ کے مطابق صحافیوں سے دوران گفتگو امریکی صدر ڈونلڈ ٹرمپ کا کہنا تھا کہ ان کے لیے سب سے بڑا مسئلہ یہ ہے کہ کوئی نہیں جانتا کہ ایران کو کون چلا رہا ہے؟َ
ٹرمپ نے کہا کہ ایران کے لیڈروں کا دوسرا گروپ بھی جاچکا، میرے لیے سب سے بڑا مسئلہ یہ ہے کہ کوئی نہیں جانتا کہ آخر ملک کو کون چلا رہا ہے؟انہوں نے کہا کہ ہم تیل کی ترسیل اس سطح پر کر رہے ہیں جو کہ جنگ سے پہلے کی سطح کے برابر ہے۔
ٹرمپ نے دعویٰ کیا کہ ایرانی وزیر کہہ رہا ہے کہ ہماری کوئی معیشت نہیں ہے اور ہمارے پاس تیل بھی نہیں ہے۔دوسری جانب امریکی ریاست کیلیفورنیا کے حکام نے صدر ٹرمپ کے اس بیان شدید ردعمل دیا ہے جس میں انہوں نے کہا کہ ایران لاس اینجلس اور سان ڈیاگو کو‘تباہ’کر سکتا ہے۔
ٹرمپ نے نیبراسکا میں اپنے حامیوں کے ایک اجتماع سے خطاب کرتے ہوئے کہا تھا کہ ایران امریکہ کے کسی بڑے شہر، جیسے لاس اینجلس یا سان ڈیاگو کو ”تباہ’’کر سکتا ہے۔