ایران کی سپریم نیشنل سیکیورٹی کونسل کے سربراہ محسن رضائی نے سوشل میڈیا پر جاری بیان میں کہا کہ امریکا کے ساتھ کسی بھی قسم کے مذاکرات شروع کرنے کے لیے سات شرائط پیش کردی گئی ہیں۔
محسن رضائی کےمطابق اگر امریکا اپنے پیدا کردہ بحران سے نکلنا اور مزید الجھنے سے بچنا چاہتا ہے تو اسے ایران کے حقوق اور پیش کردہ شرائط کو تسلیم کرنا ہوگا۔
عرب میڈیا کو دیے گئے انٹرویو کے دوران محسن رضائی نے کہا کہ قطر اور پاکستان کی حکومتیں ایران سے مسلسل مشاورت اور رابطوں میں ہیں، ایران نے اپنی شرائط سے دونوں ممالک اور امریکا کو آگاہ کردیا ہے اور اب امریکی ردِعمل کا انتظار ہے۔
انہوں نےکہا کہ ایران کی شرائط میں منجمد اثاثے جاری کرنا،تمام محاذوں پر جنگ ختم کرنا،ایران کے داخلی معاملات میں مداخلت سے باز رہنا، انقلاب مخالفین سےتعاون روکنا، ایرانی سرزمین پرکسی بھی جارحیت کا خاتمہ اور بحری ناکہ بندی اٹھانا شامل ہے۔