پاکستان سپر لیگ (پی ایس ایل) 11 کے 12ویں میچ میں اسلام آباد یونائیٹڈ نے راولپنڈیز کے خلاف ٹاس جیت کر پہلے فیلڈنگ کرنے کا فیصلہ کیا ہے۔
لاہور کے قذافی اسٹیڈیم میں کھیلے جا رہے اس اہم میچ میں اسلام آباد یونائیٹڈ کے کپتان شاداب خان نے ٹاس جیت کر محمد رضوان کی قیادت میں کھیلنے والی راولپنڈیز کی ٹیم کو پہلے بیٹنگ کی دعوت دی ہے۔
ٹاس کے موقع پر گفتگو کرتے ہوئے شاداب خان کا کہنا تھا کہ پچ کی کنڈیشنز کو مدنظر رکھتے ہوئے ہدف کے تعاقب کا فیصلہ کیا گیا ہے کیونکہ رات کے وقت اوس پڑنے کی وجہ سے اسپنرز کو بال گرپ کرنے میں مشکل پیش آتی ہے۔
انہوں نے ٹیم میں تبدیلیوں کے حوالے سے بتایا کہ سلمان مرزا اور آندریز گھاؤس کی جگہ رچرڈ گلیسن اور محمد فائق کو شامل کیا گیا ہے۔
دوسری جانب راولپنڈیز کے کپتان محمد رضوان نے کہا کہ وہ پہلے بیٹنگ ملنے پر پرامید ہیں اور ان کی بھرپور کوشش ہوگی کہ اسکور بورڈ پر ایک بڑا ٹوٹل سجائیں تاکہ مخالف ٹیم پر دباؤ ڈالا جا سکے۔
واضح رہے کہ پی ایس ایل کا سیزن 11 سنسنی خیز مقابلوں کے ساتھ جاری ہے۔ گزشتہ روز کھیلے گئے میچ میں لاہور قلندرز نے ملتان سلطانز کو 20 رنز سے شکست دی تھی۔