بھارت کے شہر دیواس میں پیٹرول کی شدید قلت اور پیٹرول پمپس پر طویل قطاروں کے باعث ایک بینک ملازم نے اپنے دفتر پہنچنے کے لیے غیر روایتی طریقہ اختیار کرلیا۔
غیر ملکی میڈیا رپورٹس کے مطابق ایندھن کی کمی نے شہریوں کی روزمرہ نقل و حرکت کو متاثر کیا ہے، جس کے نتیجے میں گوال ٹھاکر نامی بینک ملازم نے اپنی موٹرسائیکل کے بجائے گھوڑے کو بطور سواری استعمال کرتے ہوئے دفتر جانے کا فیصلہ کیا۔
وائرل ہونے والی ویڈیو میں انہیں گھوڑے پر سوار سڑک پر سفر کرتے ہوئے دیکھا جا سکتا ہے، جس پر سوشل میڈیا صارفین کی جانب سے مختلف ردعمل سامنے آئے ہیں۔
بعض افراد نے ان کے اس اقدام کو حالات کے مطابق ایک عملی اور تخلیقی حل قرار دیا، جبکہ کچھ نے اسے موجودہ ایندھن بحران کی سنگینی کی عکاسی کے طور پر دیکھا۔