مدینہ منورہ (9 مارچ 2026) آج کے میدان اُحد میں وہ مسجد موجود ہے جہاں نبی کریم ﷺ نے صحتیابی کے بعد نماز ادا کی تھی۔
مدینہ منورہ مسلمانوں کے لیے مقدس شہر ہے۔ اس پاکیزہ شہر کی فضائیں آج بھی نبی مکرم ﷺ کی خوشبو معطر اور ہر گوشہ آپ کا نقش قدم ثبت کیے ہوئے ہے۔
میدان اُحد جو اپنی ایک تاریخ رکھتا ہے۔ اس کے میدان میں ایک ایسا متبرک مقام مسجد کی صورت میں آج بھی موجود ہے، جہاں نبی آخر الزماں ﷺ نے صحتیابی کے بعد نماز ادا کی تھی۔
سعودی پریس ایجنسی کے مطابق یہ تاریخی مسجد الفسح جس کو مسجد اُحد بھی کہا جاتا ہے، کوہ احد کی شمالی ڈھلوان پر واقع ہے۔ اس مسجد کی اہمیت کا بہت گہرا تعلق جنگ اُحد کے بعد کے واقعات سے ہے۔
روایات کے مطابق حضرت محمد صلی اللہ علیہ وسلم نے اِس مسجد میں اُس وقت نماز ادا کی تھی جب میدانِ اُحد میں جنگ کے دوران اُن کے جسم پر لگے ہوئے زخم کسی حد تک مندمل ہوگئے تھے۔
تب سے آج تک تقریباً 15 صدیاں بیت چکی ہیں اور اِس مسجد اور اردگرد کے مقامات پر مختلف تبدیلیاں ہوئی ہیں۔ اِس مقام کو اسلامی تاریخ میں اپنے مخصوص کردار اور اُس کی گواہی کی وجہ سے بھی تحفظ حاصل ہے۔ کئی جگہوں کو اُن کے فنِ تعمیر کی شناخت کی وجہ سے محفوظ کیا گیا ہے۔
مدینہ منورہ آنے والے زائرین جب میدان اُحد کی زیارت کے لیے آتے ہیں تو وہ اس مسجد کی بھی زیارت کرتے اور نماز ادا کرتے ہیں۔